SHPALLJE PËR KONKURIM PËR POZICION PUNE

• Drejtoria e Koncensioneve dhe Partneriteteve – Sektori i Kontratave
  • Përgjegjës Sektori – Kategoria e pagës III-1

Përshkrimi përgjithësues i punës për këtë pozicion:

• Ndjek procesin e punës dhe këshillon mbi përgatitjen e materialit mbi kërkesat për dhënie mendimi dhe trajtimin e akteve ligjore dhe nënligjore në fushën e koncesioneve/partneritetit publik privat, si dhe të praktikave të tjera që lidhen me këtë fushë të cilat paraqiten pranë Drejtorisë së Koncensioneve;
• Ndjek procesin e monitorimit mbi ecurinë e kontratave të koncesioneve, në të cilat Ministria e Ekonomisë, Kulturës dhe Inovacionit është autoritet konktraktues, përmes informacionit të përfituar nga strukturat/njësitë monitoruese të caktuar nga titullari i Autoritetit Kontraktues, me qëllim evidentimin e problematikave dhe mbarëvajtjen e kontratave;
• Ndjek punën dhe këshillon mbi përgatitjen e informacioneve periodike jo më pak se një herë në tre muaj dhe informon në çdo kohë në bazë të raportimeve që merr nga strukturat/personat përgjegjës mbi gjendjen e zbatimit të kontratave koncensionare në të cilat Ministria e Ekonomisë, Kulturës dhe Inovacionit është autoritet konktraktues si dhe për të gjithë kontratat e tjera të koncensionit/partneritet publik privat që raportohen nga autoritetet kontraktuese;
• Ndjek dhe udhëzon procesin e punës në aspektin formalo-juridik/ekonomiko-financiar praktikat e projekteve koncension/partneritet publik privat të kontraktuara nga Ministria e Ekonomisë, Kulturës dhe Inovacionit të cilat pësojnë ndryshime apo transferime të kontratës.

Kandidati duhet të plotësojnë kërkesat e posaçme si vijon:

1. Të zotërojnë një diplomë të nivelit “Master Shkencor” ose “Master Profesional” të përfituar në fund të studimeve të ciklit të dytë me 120 kredite dhe kohëzgjatje normale 2 vite akademike në Shkenca Ekonomike/Shkenca Juridike/Shkenca Inxhinierike. Edhe diploma e nivelit “Bachelor” duhet të jetë në të njëjtën fushë;
2. Të kenë të paktën 3 vite përvojë pune në profesion.

APLIKO TANI: www.dap.gov.al