Shkrimtari rumun Dan Coman është fituesi i katërt i bursës për Rezidencën e Shkrimtarëve dhe Përkthyesve letrarë “TIRANA IN BETWEEN – 2015”, organizuar nga POETEKA dhe mbështetur nga TRADUKI, në bashkëpunim me Ministrinë e Kulturës së Republikës së Shqipërisë.

Ai do të qëndrojë në Tiranë gjatë muajit Gusht, ku do të realizojë projektin e tij letrar lidhur me një lloj të veçantë të krijimtarisë: poezi-portretet.

Ky projekt nisi tre vjet më parë. Portret poetike të Dac Coman janë kushtime ndaj autorëv që ky poet njeh, i lexon, i takon apo i bëjnë përshtypje, të cilët shndërrohen në objekt të kundrimit estetik. Në Tiranë Dan Coman do të vijojë më tej këtë projekt. Kjo krijimtari përbëjnë një kapitull të veçantë në librin poetik të titulluar “Nume şi ascunzişuri” (Emra dhe vende të fshehur), ku do të vendosen poezi – portretet e disa poetëve bashkëkohorë të Bullgarisë, Sllovenisë, Malit të Zi, Serbisë, Hungarisë, Kroacisë, Moldavisë, Bosnjë-Hercegovinës dhe Shqipërisë.

Ndërkohë ai do të krijojë lidhje dhe komunikim me shkrimtarët dhe artistët e kryeqytetit, do të përfshihet në procesin e përkthimit me prani të autorit si dhe realizojë intervista e lexime publike në në qendrat ku përurohet kultura e leximit: Friend’s Book House, Epër7shme, Hemingëay Book Bar, Tirana Times.

Dan Coman (1975, Rumani) ka studiuar dhe është diplomuar në filozofi, pranë universitetit Cluj Napoca, Rumani. Krijimet e tij të para u shfaqën në revistën “Minerva”, 1993, për të vijuar më pas me revistat letrare më të rëndësishme në Rumani. Libri i tij i parë me poezi u vlerësua me Çmimin kombëtar „Mihai Eminescu”. Krijimtaria e tij, poezitë kryesisht, janë përkthyer dhe botuar si libra më vete dhe në revista letrare në gjuhët gjermane, suedeze, frënge, në anglisht, sllovenisht, serbisht dhe hungarisht.

Dan Coman është autori i tre librave me poezi:

– anul cîrtiţei galbene (The year of the yelloë mole) Timpul Publishing House, Iaşi, 2003;

– Ghinga, Vinea Publishing House, Bucharest, 2005;

– Dicţionarul Mara, ghidul tatălui 0-2 ani (Mara Dictionary – father guide: 0-2 years), Cartier Publishing House, Chişinau, 2009;

Ai është gjithashtu autori i dy romaneve:

– Irezistibil (Irresistible) Cartea Românească Publishing House, 2010;

– Parohia (The Parish), Cartea Românească Publishing House 2012.

Krijimtaria e tij është përfshirë në mjaft antologji dhe është vlerësuar me disa çmime të rëndësishme letrare kombëtare dhe ndërkombëtare, mes të cilëve përmenden:

– Çmimi i Lidhjes së Shkrimtarvve të Rumanisë, 2004

– Çmimi “Mihai Eminescu” (Opera Prima) 2004

– Çmmi kulturor “Radio Romania”, 2010

– Çmimi “Crystal” – Festivali ndërkombëtar i Vilenica-s, Slloveni, 2011

Krijimtaria e këtij autori është paraqitur edhe në disa antologji të botuara jashtë Rumanisë, të tilla si:

– Om jag inte får tala med någon nu: 27 poeter från Rumänien, Bokförlaget Tranan, Suedi, 2011

– „Anthologie de la poésie roumaine contemporaine” (Paris), 2008

– « Iz Novije Rumunske Poezije” – Serbi, 2009

– “Pesniki, Cakajoci na angela” – Ljubljana, Slloveni, 2010

– “Szabadulas a gettobol”- Hungari

– Začetek (11 poezi në sllovenisht), Študentska založba, Ljubljana, 2012, përkthyer nga Ales Mustar.

Në vitin 2010 ai fitoi grantin e Akademie Schloss Solitude, ku anëtar jurie ishte edhe shkrimtari i njohur rumun Mircea Cărtărescu. Në vitin 2012, antologjia Ghinga e botoi këtë autor në Edition Solitude, Stuttgart, përkthyer në gjermanisht nga Georg Aescht.

1-30 gusht 2015, Rezidenca, Tiranë{:}