Epokat në Pentagram është titulli i koncertit që do të realizohet në skenën e TKOB, në kuadrin e festimeve të 70 vjetorit të çlirimit dhe 102 vjetorit të pavarësisë. Repertori i përzgjedhur, nga njëra anë do të evokojë ngjarjet dhe nga ana tjetër do të prezantojë në mënyrë gjithëpërfshirëse dhe me nivel të trupave artistike të TKOB, të Solisteve, Korit dhe Orkestrës. Për këtë qëllim janë përzgjedhur për interpretim zhanre të larmishme muzikore, nga aria deri tek poema simfonike, nga koralet e njohura deri tek fantazite për orkestër apo muzika e filmave, vepra muzikore, që në të njëjtën kohë me vlerat e admirueshme kompozicionale, evokojnë njëkohësishtn gjarje e heronj kombëtar. Një pjesë e mirë e repertorit është premierë shqiptare siç janë “Tre Këngë Popullore” të përpunuara mjeshtërisht nga kompozitori Thomas Simaku dhe balada e famshme për violinë dhe orkestër John Williams shkëputur nga kolona zanore e filmit të njohur “Lista e Shindlerit”.

Ndërlidhje: tkob.gov.al/epokat-ne-pentagram{:}