Prezantim thirrja perkthime letrare 150115

Në kuadër të pjesëmarrjes së Shqipërisë në Programin e Bashkimit Evropian “Evropa Krijuese” dhe thirrjes për projekt propozime në fushën e “Përkthimeve Letrare” me afat aplikimi datën 4 Shkurt 2015, Ministria e Kulturës do të zhvillojë një takim informues dhe konsultues.
Aplikuesit potencialë mund të jenë botues ose shtëpi botuese, të cilat kanë të paktën një aktivitet 2-vjeçar deri në datën e aplikimit. Individët nuk mund të aplikojnë. Maksimumi i grantit për këtë thirrje është 100.000 Euro, nga të cilat deri në 50% do të financohen nga Programi. Takimi do të konceptohet si një mundësi konsultimi dhe bashkëbisedimi me subjektet e interesuara shqiptare dhe ekspertin për Programin, Z. Arben Papadhopulli i cili do të jetë i pranishëm gjatë eventit për të dhënë asistencën e duhur teknike në përgatitjen e projekt-propozimeve të suksesshme për këtë fushë. Për më shumë info shihni faqen tonë në fcb, Creative Europe Desk Albania.

15 janar 2015, ora 10.00 – 12.30, salla Auditorium pranë Bibliotekës Kombëtare.

{:}