Vepra e dramaturgut Neziraj do të vihet në skenën e  Teatrit Kombëtar të Malit të Zi.  Shfaqja e re , me titull “ o.REST.es IN PEACE – legjendë e një familje ballkanike”, shkruar nga Jeton Neziraj do të ketë premierën në datën 3 prill në Teatrin Kombëtar Malazez (TK i MZ). Vepra është përkthyer nga Shkëlzen Maliqi, përkthyes, publicist dhe gazetar nga Prishtina i cili këtë dramë e ka përkthyer nga gjuha shqipe në gjuhën malazeze,  si dhe drejtori i Teatrit Kombëtar Malazez, Janko Lumoviq. Jeton Neziraj, dramaturg dhe shkrimtar nga Prishtina, është autor i më tepër se 15 shfaqjeve të paraqitura në skenat  evropiane dhe në SHBA.  Tekstet  e tij janë përkthyer dhe publikuar në mbi 15 gjuhë botërore. Neziraj ka qenë drejtor artistik i Teatrit Kombëtar të Kosovës (TKK) dhe është anëtar i parlamentit kulturor evropian, drejtor i këshillit të Teatrit Kombëtar të Kosovës dhe koordinues për Kosovën i rrjetit “EURODRAM”.{:}