Të nderuar kolegë, partnerë, të nderuar të ftuar, zonja dhe zotërinj,

Kam kënaqësi që jam këtu në këtë takim, dhe akoma më tëpër kënaqësi për prezencën tuaj dhe punën e palodhshmë që keni bërë në përgatitjen e raportit të Konkurrueshëmrisë për të cilin pata nderin të marr pjesë pjesë në Panelin Ministror në Konferencën e Nivelit të Lartë organizuar në Paris në muajin Qershor të këtëj viti.

Ky raport ka një rëndësi të madhe përsa i përket vendimeve për politikëbërjen e vendit tone.

Po jetojmë në një kohë kur ekonomitë tona (vendet e ballkanit perëndimor por edhe të BE-së) po bëhen gjithnjë e më të avancuara, më të dixhitalizuara, më inovative dhe të përparuara, por gjithashtu jemi të vetedijshëm që po jetojme në një kohë kur ka një nevojë që të ecim përpara në rritje por me një qasje drejt forcimit të koordinimit të politikave ndërkombëtarisht. Siç thonë francezët, “L’union fait la force” (Uniteti/Bashkimi bën forcë).

Raporti i Konkurrueshmërisë, publikimi i shumëpritur i Perspektivës së Konkurrueshmërisë së Ballkanit Perëndimor 2024, me 15 dimensionet e tij të politikave dhe 440 treguesit cilësorë dhe sasiorë, do të shtojë, siç themi ne në Shqipëri, mishin në shtyllën kurrizore të një bashkëpunimi tashmë të shkëlqyer që forcohet vit pas viti.

OECD certifikoi progresin e Shqipërisë, në Konferencën e Nivelit të Lartë për Evropën Juglindore në Paris, ku u prezantua Raporti i OECD për Konkurrueshmërine 2024 (viti 2023 krahasuar me vitin 2021) për vendet e Ballkanit Perëndimor.

Raporti Competitiveness Outlook vlerësoi politikat e vendeve te Evropes Juglindore ne 15 dimensione kryesore, duke analizuar 440 indikatore te ndryshem ekonomik e sektorial, për të ndihmuar ekonomitë e rajonit të përmirësojnë politikbërjen dhe të risin  konkurrueshmerine.

Shqiperia ka shënuar progres të madh në shumë dimensione, duke përfshirë politikat e punësimit, turizmit, ato tregtare, mjedisin e bujqësinë, energjinë, aksesin në financë, politikat anti-korrupsion, edukimin, shoqërinë digjitale, nxitjen e investimeve, etj! Vendi ynë është lider për rajonin në 14 nga 15 dimensionet e Raportit!

Si një adhurues i fantashkencës, dixhitalizimit dhe inovacionit, të cilat tani janë pjesë e portofolit tim ministror, ​​do të doja të nënvizoja një citim të famshëm nga Morpheus në filmin kult The Matrix: “Ka një ndryshim midis njohjes së rrugës dhe ecjes në rrugë.”

Kjo është pikërisht sfida që duhet të adresojmë të gjithë në botën reale.

Falë tabelës së rezultateve të konvergjencës, Udhërrëfyesit të nisur në mars 2024, Parashikimit të Konkurrueshmërisë së Ballkanit Perëndimor dhe nismave të tjera kryesore, ne tashmë e dimë, ose të paktën e kemi një ide të mirë, lidhur me shtegun që shtrihet përpara nesh.

Megjithatë, ne njohim rrugën në të cilën duhet të ecim ende përpara. Askush nuk do të ecë në këtë rrugë në vendin tonë.

Prandaj ne mezi presim ta përkthejmë gjuhën e ftohtë të treguesve në një diskutim të vërtetë, gjithëpërfshirës, ​​të vazhdueshëm, të drejtpërdrejtë dhe të hapur me të gjithë partnerët tanë se si ta përmirësojmë atë në kohën më të shkurtër të mundshme.

Siç shkruante Antoine de Saint-Exupéry, “Detyra nuk është të parashikosh të ardhmen, por ta mundësosh atë”.

Gjej rastin këtu të falenderoj dhe përgëzoj të gjithë stafin që ka punuar për realizimin e raportit, stafin e OECD, koordinatorët e secilit dimension, stafin e Ministrisë së Ekonomisë, Kulturës dhe Inovacionit në rolin e koordinatorit kombëtar, INSTAT  dhe cdo ekspert që ka dhënë kontribut dhe vazhdon punon jo vetëm për hartimin e raportit por edhe për realizimin dhe përmirësimin e indikatorëve.

Theksoj se Qeveria Shqiptare është e angazhuar të ndjekë dhe zbatojë rekomandimet e raportit, duke synuar një ekonomi të qëndrueshme dhe konkurruese, të orientuar drejt tranzicionit të gjelbër dhe dixhital, me politika të përfshirjes sociale dhe punësimit që sigurojnë integrimin dinjitoz të Shqipërisë në BE.

Integrimi Evropian është prioritet i rëndësishmë për Qeverinë Shqiptare dhe Ministria e Ekonomisë, Kulturës dhe Inovacionit ka një peshë të konsiderueshmë në ndjekjen e kapitujve dhe zbatimin e detyrave për përafrimin e legjislacionit me Acquis të BE-së si edhe në zbatimin e detyrave për hartimin e politikave të përafërta me ato të vendeve të BE-së.

Një punë e madhe që kemi përpara, është ndjekja dhe zbatimi i Agjendës Kombëtare të Reformave 2024 – 2027”, në kuadër të Instrumentit të Bashkimit Evropian “Faciliteti për Reforma dhe Rritje për Ballkanin Perëndimor” (Groëth Plan) Dokumenti i politikës “Agjenda Kombëtare e Reformave 2024-2027” konsiderohet një politikë miks që do të nxisë më tej përgatitjet ekonomike të orientuara nga tregu për hyrjen e ekonomisë shqiptare në Tregun e Vetëm Bashkimit Evropian, e do të kontribuojë në rritjen e përshpejtuar drejt progresit në konvergjencë me vendet anëtare të BE-së.

Prioritetet kryesore të Reformave për Agjendën Kombëtare të Reformave 2024-2027 janë organizuar sipas 5 shtyllave (Klima e Biznesit, Kapitali Njerëzor, Aftësitë Digjitale, Energjia dhe Tranzicioni i Gjelbër, Themeloret /Shteti i së Drejtës) ku në total përbëjnë 30 reforma dhe 139 masa nga të cilat nën përgjegjësinë e Ministrisë së Ekonomisë, Kulturës dhe Inovacionit janë 12 reforma dhe 64 masa.

Për ta përmbledhur, Qeveria Shqiptarë, ka në fokus kryesor përmirësimin e klimës së favorshme ndaj biznesit dhe nxitja për rritjen ekonomike, nëpërmjet reformave për shtetin e së drejtës dhe të transformimit dhe ristrukturimit të ekonomisë, me burime kryesore të rritjes në kapitalin human, produktivitetin përmes specializimit dhe modernizimit, tëerheqja dhe transparenca e investimeve, në përputhje me praktikat e BE-së, përmirësimi i qeverisjes së shoqërive në pronësi shtetërore dhe Ndihmës Shtetërore (përmes eksporteve, internacionalizimit dhe integrimit të tregjeve sektoriale).

 

Faleminderit,