Në mbështetje të dispozitave të Ligjit nr. 7961, datë 12.07.1995 “Kodi i Punës i Republikës së Shqipërisë”, i ndryshuar, të strukturës dhe organikës së miratuar të institucionit, si dhe të Rregullores së Organizimit dhe Funksionimit të Brendshëm të Muzeut Historik Kombëtar, miratuar me urdhrin nr. 509, datë 09.12.2020, Muzeu Historik Kombëtar shpall procedurën për plotësimin e një vendi të lirë pune, si më poshtë:

Pozicioni vakant

Titulli i vendit të punës: Specialist në Konservimin e Koleksioneve

Numri i pozicionit: 1 (një)

Kategoria e pagës: IV-2

Lloji i kontratës: Me kohë të plotë, pa afat

Vendndodhja: Muzeu Historik Kombëtar, Tiranë

Përshkrimi i përgjithshëm i pozicionit

Specialisti i Konservimit është përgjegjës për ruajtjen, mirëmbajtjen dhe ndërhyrjet profesionale për konservimin e objekteve muzeore në përputhje me standardet kombëtare dhe ndërkombëtare. Pozicioni kërkon njohuri të specializuara në fushën e konservimit dhe zbatim të praktikave bashkëkohore për materialet si druri, metali, tekstili, letra, qeramika, etj.

Detyrat kryesore

1. Kryen ndërhyrje konservuese në objektet muzeore, sipas metodologjive të pranuara shkencërisht.
2. Përgatit pasaporta dhe kartela teknike për objektet përpara, gjatë dhe pas çdo ndërhyrjeje.
3. Merr pjesë në projektet kërkimore dhe konservuese, në bashkëpunim me institucione të tjera brenda dhe jashtë vendit.
4. Kryen dokumentimin fotografik dhe teknik për çdo proces ndërhyrjeje.
5. Bashkëpunon për dezinfektimet periodike dhe pastrimin e fondeve muzeore.
6. Ndjek zhvillimet bashkëkohore në fushën e konservimit dhe bashkëpunon me rrjete ndërkombëtare si UNESCO, ICCROM, ICOM etj.
7. Raporton rregullisht tek përgjegjësi i sektorit dhe respekton detyrimet institucionale, etike dhe ligjore në ushtrimin e funksionit.

Kushtet dhe kriteret e përgjithshme

Kandidati duhet të plotësojë kriteret e mëposhtme:

• Të jetë shtetas shqiptar.
• Të ketë zotësi të plotë për të vepruar.
• Të zotërojë gjuhën shqipe, të folur dhe të shkruar.
• Të jetë në kushte të mira shëndetësore për të përmbushur detyrat e vendit të punës.
• Të mos jetë i dënuar me vendim të formës së prerë për vepër penale.
• Të mos ketë marrë masë disiplinore largimi nga puna për shkelje të rëndë.
• Të ketë sjellje dhe integritet të lartë etik dhe moral.

Kriteret e veçanta

• Diplomë e arsimit të lartë në një nga fushat: Konservim, Restaurim, Trashëgimi Kulturore, Arkeologji, Arte të Bukura, ose fusha të ngjashme.
• Të ketë minimumi 3 (tre) vite përvojë pune në konservimin e objekteve muzeore.
• Të ketë aftësi në përgatitjen dhe zbatimin e projekteve konservuese.Të zotërojë një gjuhë të huaj perëndimore (preferohet anglisht).
• Të njohë përdorimin bazë të programeve kompjuterike (Word, Excel, PowerPoint)
• Të jetë i/e gatshëm/e të punojë me orar të zgjatur, sipas nevojave të institucionit.

Dokumentacioni i kërkuar për aplikim

1. Kërkesë për aplikim;
2. Curriculum Vitae (CV);
3. Fotokopje e kartës së identitetit;
4. Kopje e noterizuar e diplomës dhe listës së notave;
5. Dokument që vërteton përvojën e punës (librezë pune ose kontrata të mëparshme);
6. Certifikata të trajnimeve apo kualifikimeve shtesë (nëse ka);
7. Vërtetim nga mjeku për gjendjen shëndetësore;
8. Vetëdeklarim mbi gjendjen gjyqësore;
9. Letër motivimi dhe referencë nga punëdhënësi i mëparshëm.

Afati dhe mënyra e dorëzimit

Dokumentet duhet të dorëzohen brenda datës 13.07.2025 në adresën:

Muzeu Historik Kombëtar, adresa “Sheshi Skenderbej”, Tiranë, ose nëpërmjet postës elektronike në adresën zyrtare: muzeuhistorikkombetar@mhk.gov.al