Përmes Programit Kombëtar të Strehimit, në Bashkinë Shkodër, me një investim prej 68,040,143 lekësh, nis së shpejti të zbatohet projekti për përmirësimin e infrastrukturës, kryesisht në zona informale që janë në proces legalizimi dhe në lagje banimi me mungesë shërbimesh bazë si ujësjellësi, kanalizimet, ose ku këto shërbime janë të papërshtatshme. Projekti përfshin rikonstruksionin e rrugës “Roza Lejn” dhe degëzimeve të saj, duke siguruar kushte më të sigurta, qasje më të lehtë dhe një mjedis më të denjë për 157 familje që përfitojnë drejtpërdrejt.

Punime të tjera do të vazhdojnë në çdo cep të Shqipërisë, për të garantuar që asnjë familje të mos mbetet pas dhe çdo komunitet të ketë akses në infrastrukturë moderne dhe të qëndrueshme.