Ministria e Kulturës,  më  17 nëntor shpalli thirrjen për Projekt-Propozime, 2015 në Art&Kulturë, e cila u mbyll në datë 9 janar 2015.  Kolegjiumi i Ministrisë së Kulturës mori në shqyrtim rreth 300 projekt-propozime në Art&kulturë, nga të cilat përzgjodhi  82 projekte fituese. Në këtë thirrje për vitin 2015 është parë një interes në rritje i aplikantëve me propozime, ide dhe projekte  të subjekteve, organizatave, apo shoqatave kulturore.

Kolegjiumi , i konsultuar  me ekspertë të  vlerësimit të politikave dhe strategjisë kulturore, vlerësoi fituese projekt-propozimet  që përputhen me  kriteret  e shpallura në udhëzuesin që shoqëroi thirrjen për projekt-propozime, projektet që shprehin: Ide novatore,  qëndrueshmëri dhe vazhdimësi, garantojnë cilësi dhe profesionalizëm në realizim, mundësi për rritjen profesionale të artistit,  sjellin zhvillim dhe gjallërim të skenës artistike e kulturore në Shqipëri, dëshmojnë respektimin e të drejtës së autorit –veçojmë  edukimin përmes artit dhe kulturës, krijimtarinë artistike  dhe përkrahjen e të rinjve – duke filluar nga potenciali i tyre krijues e deri tek punësimi i tyre, rritjen e audiencave, shtrirjen gjeografike dhe kohore, si dhe aftësia për të thithur fonde nga burime të tjera.
Projektet e përzgjedhura do të mbështeten në mënyrë të pjesshme nga Ministria e Kulturës.

Njoftojmë se subjektet, projektet e të cilëve janë përzgjedhur për mbështetje financiare nga Ministria e Kulturës, do të kontaktohen brenda 10 ditëve për të vazhduar me hapat e mëtejshëm.
Lista e plotë e projekteve të përzgjedhura, në rend alfabetik, është si më poshtë vijon:

Shënim i datës 30.12.2015

Njoftojmë se subjektet e mëposhtme, projektet e të cilëve u përzgjodhën fitues  për mbështetje financiare nga Ministria e Kulturës nuk shfrytëzuan fondet e thirrjes për projekte në Art&Kulturë për vitin 2015.

1-4x4x4m2 (Kufizimi si liri)- Stefan Ҫapaliku
2-“Arritën……ilirët”- Gent Bejko
3-Europa Kreative dhe industria audiovizuale, një input i ri për Shqipërinë- Instituti Adriapol
4-Festivali i letërsisë së re ballkanike- Shtëpia Botuese “Saras”
5-Festivali i veprave të ndaluara- Qendra Ura
6-“Historia e Penelopës”- Taulanda Jupi
7-Kaba 2.0 festival- Rek Remont Kapital
8-“Orët”- Fondacioni Pelod
9-“Oda e hapur”- Mimoza Hysa
10-Rritje kapacitetesh për “Unlimited”- Fondacioni “Rruga me pisha”
11-TullaTV ( Media kulturore online)- Qendra Kulturore Tulla
12-Rroku në shkollë- Eduard Dashi
13-Mbështetje për seksionin art dhe kulturë të revistës “Europa”-Instituti Shqiptar i Studimeve Ndërkombëta{:}