Në Ministerialin Ekonomik, festuam një dekadë të suksesshme të Procesit të Berlinit, platforma diplomatike që ka nxitur bashkëpunimin midis vendeve të Ballkanit Perëndimor dhe BE-së.

Në sesionin plenar, Ministri Blendi Gonxhja, së bashku me Ministrat e Ekonomisë të WB6, Ministra të BE-së, OECD dhe sektorit privat, diskutuan tema kyçe për të ardhmen e rajonit:

• Heqja e barrierave teknike, fiskale dhe fizike për të lehtësuar tregtinë;
• Optimizimi i sistemeve doganore dhe linja e harmonizimit ligjor me BE-në;
• Përmirësimi i infrastrukturës dhe digjitalizimit për një ekonomi konkurruese;
• Tërheqja e investimeve të huaja dhe vendase për të nxitur rritjen ekonomike.

Shqipëria theksoi progresin në fushën e CEFTA-s dhe Planit të Veprimit të Tregut të Përbashkët Rajonal, ku janë lehtësuar ndjeshëm tregtia e mallrave dhe shërbimeve, si dhe lëvizja e lirë e punonjësve, duke çuar në rritje të ndjeshme të volumit tregtar dhe bashkëpunimit rajonal.

E ardhmja qëndron tek përfshirja e të gjithë aktorëve – qeverive, biznesit dhe shoqërisë civile – për të ndërtuar një ekonomi të qëndrueshme dhe rajon më të integruar.