Program Anglisht i 2015.pdf

Programi 2015.pdf

Berati ofron gjithçka në datat 23, 24, 25 ‪korrik, ku pritet të nisë Festivali Multikulturor Berat 2015. Tri  ditë të paharrueshme në Beratin e Historisë. Ideatorët kanë menduar të përcjellin për publikun disa aktivitite si : Panairi i librit dhe artizanatit,  arte pamore dhe ekspozita të ndryshme, grupe Jazz-i dhe Dj deri në mesnatë.

Panairi i librit u kushtohet fëmijëve nga ora 8:00-12:00 dhe 18:00-24:00.

Flaka Goranci, Guralumi Band, Flamenco Duo dhe Dj Liam Mandiaro, grupi i kitarave në drejtimin e pedagogut Denis Bizhga, këngëtarët berates të këngës qytetare  do të ngjiten në skenën e festivalit, por jo vetëm kaq, priten dhe shumë aktivitete të tjera në vendet e mrekullueshme si lagjet: Gorica, Mangalemi, Kalaja Historike, Muzeu Etnografik dhe Ikonografik që do të hapin dyert për të gjithë dashamirësit e këtij festivali. Ekipi i Tulla – Culture Center do ti bashkohet ‪Festivalit Multikulturor me aktivite të ndryshme dhe emra të njohur DJ.

Festivali , në idenë e organizatës “Njerëz dhe ide” vjen  edhe si pjesë  e kalendarit artistik veror që përgatiti disa muaj më parë Ministria e Kulturës, kalendar i cili është hartuar në bashkëpunim me Drejtoritë Rajonale të Kulturës Kombëtare dhe ka në vëmendje dhe qytete , apo zona të ndryshme të vendit.

Për Beratin organizatorët premtojnë jo vetëm promovim të vlerave të trashëgimisë kulturore, por dhe ato të traditës popullore, ndërsa në skena do të jenë emra të njohur artistësh nga Shqipëria dhe Kosova.

Nuk do të mungojë dhe organizimi i të tjerë aktiviteteve artistike dhe panaireve në festivalin multikulturor për promovimin e qytetit të Beratit, vlerave kulturore .

Në bashkëpunim me studentët e Universitetit Polis po punohet për të siguruar pjesëmarrje në Muzete e Beratit  edhe  për personat me aftësi të kufizuar. Kjo nismë, e para e këtij lloji në festivale kulturore, ofron një mundësi të re të komunikimit kulturor për këta persona.

Festivali Multikulturor  mbështetet   nga Ministria e Kulturës, bashkia e qytetit  të Beratit dhe DRKK-Berat.

23, 24, 25 korrik 2015, Berat{:}