Vazhdon Tirana International Film Festival  në Tiranë. Imazhet, personazhet, historitë, drita e projeksioneve dhe mijëra frame film janë në portat e kryeqytetit shqiptar. Tirana International Film Festival në edicionin e tij të 13-të jo vetëm vijon të mbetet besnik i dashamirësve të kinemasë por edhe vazhdon ti japë qytetit atmosferën magjike të Artit të Shtatë. Homazh për Pasolinin në TIFF

2 nëntor 1975 – poeti, regjisori dhe një ndër figurat më në zë të kulturës marksiste europiane pas konfliktit të dytë botëror, Pier Paolo Pasolini, bie viktimë e një vrasjeje me ngjyrime ende të pazgjidhura sot e kësaj dite. Viktimë e jetës së tij unike sa edhe tragjike, apo e aftësisë së tij hulmutuese në skutat e botës politike?

Por siç do të pohonte edhe shkrimtari Alberto Moravia, përballë arkivolit të mikut të tij, Pasolini “ishte në rradhë të parë një poet (…) nga ata poetë që një kombi mund t’i rastisin vetëm dy apo tre në shekull”.

Përkujtimi i jetës së këtij poeti, i vargjeve të tij – të cilave u kemi dhënë gjuhë nëpërmjet shqipërimit tonë – është arsyeja se përse ne, një grup dashamirësish të figurës së Pasolinit, kemi vendosur të mblidhemi. Me dëshirën që ta përkujtojmë atë së bashku, ftojmë të tjerë lexuesë të poetit dhe, më gjerë, miq të vargjeve, në një mbrëmje të ngrohtë nëntori.

Merrni me vete gjithë çka do të donit që të lexoni: nga Pasolini, nga poezia në përgjithësi, por edhe nga ju vetë.

2 nëntor 2015, ora 21:30, Tulla Culture Center

Tirana International Film Festival – TIFF

28 nëntor-5 nëntor 2015

www.tiranafilmfest.com

https://www.facebook.com/TIRANAFILMFESTIVAL

www.facebook.com/groups/tiranafilmfestival

https://www.youtube.com/user/TiranaFilmFestival1

https://vimeo.com/tiranafilmfestival{:}