Sot në Kuvend prezantuam tre projektligje kyçe, që përbëjnë hapa të rëndësishëm drejt integrimit europian dhe forcimit të një ekonomie moderne, të sigurt dhe konkurruese:

Projektligji “Për ratifikimin e vendimit të CEFTA-s për lehtësimin e tregtisë elektronike”

• Më pak barriera për shërbimet digjitale, më shumë mbrojtje për konsumatorët dhe më shumë bashkëpunim rajonal, në përputhje me standardet e BE-së 🇪🇺.

Projektligji “Për Patentat, Modelet e Përdorimit dhe Çertifikatat e Mbrojtjes Shtesë”

• Modernizim i legjislacionit për pronësinë industriale, mbrojtje më e fortë për shpikësit dhe nxitje për kërkim-zhvillimin, me fokus në farmaceutikë dhe inovacion.

Projektligji “Për Markat Tregtare”

• Kuadër i përditësuar për regjistrimin, mbrojtjen dhe zbatimin e të drejtave të markës, në përputhje të plotë me acquis-in e BE-së, garanci për një treg të drejtë dhe funksional.

Tre nisma ligjore që e afrojnë Shqipërinë me Bashkimin Europian dhe krijojnë një klimë më të sigurt për sipërmarrjen, inovacionin dhe konsumatorin shqiptar.